Fifa World Player Gala 2009

Өнгөрсөн 1 дэх буюу энэ сарын 21-нд Швейцарийн Цюрих хотноо 2009 оны Хөлбөмбөгийн дэлхийн шилдэгүүдийг шалгарууллаа. Энэ талаар...


танд хүргэе. Жижигхэн биетэй Аргентин залууг хэдэн жилийн өмнөөс хөлбөмбөг сонирхогчид дэлхийн шилдэгт нэр дэвшүүлж байсан ч өнгөрсөн жилийнх шиг гайхалтай тоглолтыг үзүүлж байгаагүй. Магадгүй үүнд бэртэл гэмтэл гээд олон асуудал нөлөөлсөн байх л даа. Харин одоо бол нэг зүйл хүн бүхэнд тодорхой болоод байна. Месси өнөө цагийн хамгийн шилдэг нь эргэлзээгүй мөн. гэж монголын спортын томоохон сайт дээр бичсэн байна. Би үүнтэй санал нэгтэй байгаа. 2009 онд үнэхээр тэр шилдэг нь байж чадсан. Аваргуудын лигийн мэргэн бууч болж, Ла лигийн шилдэг довтлогч, шилдэг тоглогч, Европын шилдэг хөлбөмбөгчөөр шалгарч, багтайгаа хамт оролцсон бүх тэмцээндээ түрүүлсэн, Испаний багуудаас анхлан требль хийсэн… Энэ бүхний эцэст Лионел Мессигээс өөр хэн дэлхийн шилдэг болох билээ.


Месси Европын шилдэгээр шалгарахдаа авч болох хамгийн өндөр оноог авч рекорд тогтоосон бол энэ удаа ч дахиад л дээд амжилтыг эвджээ. 1991 оноос хойш хэн ч дэлхийн шилдэгээр шалгарахдаа 1,073 оноо авч байгаагүй гэдэг. Энэ нь түүний хөлбөмбөгийн ертөнцөд ямар их нэр хүндтэй, нэр нөлөөтэй болохыг харуулж байна. Өнгөрсөн жил К.Роналду 935 оноогоор дэлхийн шилдэг болж байсан бөгөөд энэ жил 352 оногоор Мессигийн ард аман хүзүүджээ. Харин удаахь байруудад Хави, Кака, Иниеста нар шалгарчээ.

Мөн эмэгтэй тамирчдаас шилдэгээр Бразилийн Марта шалгарсан юм. Тэрээр сүүлийн 4 жил дараалан түрүүлсэн амжилттай явна.


Шилдэг тоглогчыг шалгаруулахаас гадна дэлхийн шилдэг багийг шалгаруулдаг. Сонирхуулахад шилдэг багийг шалгаруулахдаа дэлхийн бүх лигүүдийн 50,000 орчим мэргэжлийн тоглогчдоос санал авч тухайн байрлал дээр хамгийн шилдэг гэсэн тоглогчдыг тодруулдаг юм. Энэ шилдэг багт дараах тоглогчид оржээ.


Икер Касильяс (Реал Мадрид), Жон Терри (Челси), Неманья Видич (МанЮ), Патрис Эвра (МанЮ), Даниел Алвес (Барселона), Xavi (Барселона), Андрес Иниеста (Барселона), Стивен Жеррард (Ливерпуль), Леонел Месси (Барселона), К.Роналду (Реал Мадрид), Фернандо Торрес (Ливерпуль).