СЕО гэж хэн бэ?

CEO гэдэг нь "Chief Executive Officer" гэдэг үгний товчлол буюу бидний хэлж сурсанаар "Захирал", "Гүйцэтгэх захирал" юм. Тэгвэл СЕО нь чухам юу хийдэг, ямар чиг үүрэг компанид гүйцэтгэдэг талаар ойлголттой болох үүднээс албан тушаалын тодорхойололттой нь танилцъя....

Албан тушаал: CEO
Ажилаа хэнд тайлагнах: ТУЗ

Хураангуй
Салбартаа тэргүүлэх байр суурин дээр компанийг удирдах. Компанийн эрхэм зорилго, зорилтруу урагшлах, орлого, ашигт ажиллагаа болон компанийн өсөлтийг урамшуулах стратеги төлөвлөгөөг хэрэгжүүлэх, хөгжүүлэх. Бизнесийн бүтээмж, чанар, үйлчилгээ, нөөцийн үр ашигтай удирдлагыг батлан даах, компаний үйл ажиллагааг хянах.

Үндсэн чиг үүрэг
• Компанийн эрхэм зорилго, зорилтруу урагшлах, орлого, ашигт ажиллагаа, байгууллагын өсөлтийг урамшуулах стратеги төлөвлөгөөг хөгжүүлэх, хэрэгжүүлэх.
• Компаний орлого, нөөцийг үүсгэх стратегийг төлөвлөх, хөгжүүлэх, гүйцэтгэх.
• Компанийн нэгдэл болон худалдан авалтын боломжийг олж тогтоох, гүйцэтгэлийн үйл ажиллагааг удирдах.
• Компаний үйл ажиллагааны дүрэм, журам, бодлого болон стандартыг хөгжүүлэх.
• Зорилгын хэрэгжилт, үйл явцыг тодорхойлохын тулд санхүүгийн тайлан болон үйл ажиллагааны тайланг задлан шинжлэх, одоогийн нөхцөл байдалтайгаа нийцүүлэн зорилго, төлөвлөгөөгөө шинэчлэн сайжруулах.
• Компанийн зорилго, зорилтын биелэлтэд оруулсан хувь нэмэртэй уялдуулан ажилчдын ажлын гүйцэтгэлийг үнэлэх.
• Радио, телевиз болон хурал дээр хувийн харагдах байдал, өгүүлэл, ярилцлагаараа дамжуулан компанийг дэмжиж, урамшуулах.
• Хууль шүүх, харилцагч, хэрэглэгч, хүлээсэн чиг үүргийн өмнө компанийг төлөөлөх.
• Орон нутаг, бүс, олон улсын зах зээл дээр компанийг дэмжиж, урамшуулах.
• Хувь нийлүүлэгч болон ТУЗ-ийн хуралд компанийн тайланг танилцуулах.
• Компанийн төлөвлөлт болон бодлого боловсруулалт хариуцсан зөвлөлийг удирдах.
• Даалгаж өгсөн бусад үүрэг
Нэмэлт чиг үүрэг
......................
Эрх мэдэл
• Компанийг итгэмжлэлгүйгээр төлөөлөх бүрэн эрхтэй.
• Компаний дүрэм болон ТУЗ-аас олгосон эрх.
• Зохих дүрэм журам, батлгадсан төсөв, төлөвлөгөөний дагуу санхүүг захиран зарцуулах эрхтэй.
Хариуцлага
• Компанийн үйл ажиллагаатай холбогдох бүх асуудлаар ТУЗ-ын өмнө бүрэн хариуцлага хүлээнэ.
• Албан тушаалаар оногдсон чиг үүргийг биелүүлээгүй эсвэл зохих түвшинд биелүүлээгүйн улмаас компанид үүссэн биет болон биет бус хохирол, дутагдалын өмнө бүрэн хариуцлага хүлээнэ.
• Дутуу эсвэл буруу боловсруулсан, хугацаа хожимдсон төсөл, төлөвлөгөө, санал, судалгаа, тайлан, дүгнэлт болон албан бичгийн өмнө зохих хариуцлага хүлээнэ. Удирдлага дахь ажилтнуудын ажлын гүйцэтгэл, үр дүнд хариуцлага хүлээнэ.
Мэдлэг болон чадварын шаардлага
Стратеги төлөвлөгөө боловсруулж, биелүүлж байсан туршлагатай. Удирдлага зохион байгуулалтыг өөрчлөх, хэлэлцээр хийх, гэрээ багуулах мэдлэгтэй. Үйл явц болон дүрэм журмыг шинжлэн дүгнэх, ре-инженеринг хийх чадвартай. Бодлого боловсруулах, шинэ стратеги болон дүрэм журмыг хөгжүүлж, хэрэгжүүлж байсан туршлагатай. Санхүүгийн төлөвлөгөөг хөгжүүлэх, нөөцийг удирдах чадвартай байх. Санхүүгийн мэдээг дүгнэн шинжлэх, тайлбарлах чадвартай байх. Олон нийттэй харилцах зарчим, техникийн талаар мэдлэг, туршлагатай байх. Илтгэлийг хөгжүүлэх, нийтэд хүргэх чадвартай байх. Ажил нь мэргэжлийн бичгийн чадвар болон хувийн харилцааны чадвар шаардана. Багийг сэдэлжүүлэх, нэгэн зэрэг хэдэн төсөл удирдан ажиллах чадвартай байх. Боловсролын хувьд дараах 2 хослолыг шаардана. Бизнесийн удирдлага ба санхүү, нягтлан бодох бүртгэлээр мастер зэрэг эзэмшсэн байх мөн томоохон алба эсвэл компанид ___ жил удирдах албан тушаалд ажилласан туршлагатай байх. Ажил нь уян хатан ажлын хувиар, аялалд бэлэн байдлыг шаардана.
Хангамж
Санхүү ......................
Эд хөрөнгө ..............
Бусад........................
Ажлын байрны нөхцөл
Оффисын орчин дахь хэвийн нөхцөлд ажиллана. Хааяа оройн цаг болон амралтын өдрүүдээр ажиллахыг шаардаж магадгүй. Зарим тохиолдолд шөнийн аялал шаардана.

Эх сурвалж: www.ceo.mn-ээс...

Дэлгэрэнгүй үзэх...

Удирдахуйд суралцахуй

Хүмүүсийг удирдана, хүмүүстэй ажиллана гэдэг өөрөө хамгийн хэцүү ажиллуудын нэг байдаг. Үр бүтээлтэй удирдах ажилтан хэрхэн бий болдог вэ? энэ талаар Харвардын бизнесийн сургуулийн Peter Drucker зөвлөжээ....


Уламжлалт удирдах ажилчдын төрх байдал /тодорхой хэмжээний үнэт зүйл, хандлага мөн тодорхой хэмжээний эрх, мэдэл агуулсан/-ыг хэлбэрдэж, дууриах шаардлага чадварлаг удирдах ажилтанд байдаггүй.

СЕО нартай ажиллах олон жилийн туршид тэд дээрх төрх байдлыг харуулсан газрын зургийн хаа сайгүй тарсан болохыг Drucker олж мэдсэн. Тэдэн дунд нийтэч байдлаас бараг ганцаар тусгаарлагдсан, чөлөөтөөс хатуу дэг журамтай, өглөгчөөс аривлан хэмнэгч хүртэлх төрөл зүйлийн удирдагч байсан. Үр бүтээлтэй байсан тэдний нууц нь доорх 8 зуршлыг дагаж хэвшсэн явдал юм.

1. Тэд “Юуг хийх хэргтэй вэ?” гэж асуусан.
2. Тэд “Байгууллагын хувьд юу зөв бэ?” гэж асуусан.
3. Тэд ажлын төлөвлөгөөг хөгжүүлсэн.
4. Шийдвэр гаргах хариуцлагаа тэд хүлээсэн.
5. Харилцааны хариуцлагаа хүлээсэн
6. Бэрхшээлээс илүүтэйгээр боломж дээр төвлөрсөн.
7. Үр бүтээлтэй уулзалт, хурал удирдан явуулсан.
8. “Би” гэхээс илүүтэйгээр “Бид” гэж ярьж, бодсон.

Тэдэнд шаардлагатай мэдлэгийг эхний хоёр зуршил өгсөн байдаг. Энэхүү мэдлэгийг үр бүтээлтэй ажил болгон хөрвүүлэхэд дараачийн 4 зуршил тусалсан. Сүүлчийн 2 нь нийт байгууллагын ухамсартай, хариуцлагатай байдлыг хангасан байдаг.

Нэг. Шаардлагатай мэдлэгийг олж эзэмш. “Юуг хийх хэрэгтэйг” өөрөөсөө асуух нь өөрт хэвшүүлбэл зохих эхний дадал. Асуулт “Би юу хийхийг хүсэж байн вэ?” биш “Юу хийх шаардлагтай вэ?” гэдгийг сайн анхаараарай.
Үр бүтээлтэй удирдах ажилчид /цаашид ҮБУА гэх/ өөрсдийнхөө хүчийг тарамддаггүй. /2 туулай хөөсөн хүн хоосон/ Хэрэв бүх нөхцөл байдал боломжтой бол тэд ганц хүч сорьсон, хүнд даалгавар дээр төвлөрдөг.

Хоёроос илүү хүнд даалгавартай зэрэг зууралдах зуураа үр бүтээл гаргаж байсан ямар ч удирдах ажилтантай даарилдаж байгаагүй гэж Drucker хэлсэн байдаг. Юу хийх хэрэгтэйг асуусны дараа ҮБУА нь тэргүүлэх зорилтуудаа эрэмблээд түүнийхээ араас явдаг.
СЕО-ын хувьд тэргүүн даалгавар нь компаний эрхэм зорилгыг шинэчлэн бичих явдал байдаг. Албаны даргын хувьд төв удирдлагатай холбоотой албаны харилцааг шинэчлэн сайжруулах байна. Бусад ажлын хувьд хичнээн сонирхолтой, чухал байсан ч хойш нь тавьдаг. Тэргүүн ажлаа хийж гүйцэтгэсэний дараа ҮБУА-чид анхны жагсаалтын 2 дахь ажлаа хийхээс илүүтэйгээр ажлаа ач холбогдолоор нь дахин эрэмбэлдэг. “Одоо юу хийх хэрэгтэй вэ?” Энэ нь ихэнхдээ шинэ, өөр тэргүүлэх ажлыг бий болгодог.

Хоёр. Байгууллагын хувьд юу нь зөв болохыг шийд. Эхнийх шиг өөртөө асуулт тавих нь энэ хэсэгт ч маш чухал. Хэрэв тухайн зүйл хувьцаа эзэмшигч эсвэл ажилтан эсвэл хэрэглэгчийн аль нэгний хувьд зөв байвал асуулт тавихаа тэд мартдаг. Бүх оролцогчид /stakeholders: хувь эзэмшигч, ажилтан, хэрэглэгч бүгдийг багтаасан ойлголт/-ын хувьд зөв байх тэр л шийдвэр байгууллагын туйлын зөв шийдвэр байдаг.

Гурав. Ажлын төлөвлөгөө боловсруул. Хүсэж буй үр дүнг тодорхойлох төлөвлөгөөг боловсруулж, цаасан дээр буулга. Ажилд тулгарч болох хязгааруудыг авч хэлэлц. Энэ нь хуулийн дагуу юу? Энэ нь манай байгууллагын эрхэм зорилго, үнэт зүйлс, бодлоготой нийцэж байгаа юу?
Ажлын төлөвлөгөө нь үүрэг, амлалтаас илүү таны зорилтыг тодорхойлсон баримт бичиг. Амжилт бүр нь шинэ боломжийг дагуулж байдаг учир ажлын төлөвлөгөөг тогтмол шинэчлэн сайжруулах хэрэгтэй. Бүтэлгүйтэл бүрд ч мөн адил. Таны хүлээлт түүнийг сөргүүлэн үр дүнг шалгах системийг ажлын төлөвлөгөө агуулсан байх хэрэгтэй. Удирдагын багын хувьд цагын менежментийн суурь нь ажлын төлөвлөгөө байдаг.

Дөрөв. Шийдвэр гаргах хариуцлагаа хүлээ. Шийдвэр бүрт гүйцэтгэлийг хэн хариуцах, хэнд хэзээ тухайн шийдвэр нь нөлөөлөх, хэн мэдээлэл авах ёстойг тодорхой заасан эсэхийг баталгаажуул. Өөрийн хүлээлтийн эсрэг шийдвэрүүдээ байнга эргэж хар.

Тав. Харилцааны хариуцлагаа хүлээ. Таны ажлын төлөвлөгөө ба мэдээллийн хэрэгцээ ойлгомжтой байгаа эсэхийг шалга. Дээд түвшний удирдлага, ижил түвшний хамтрагч, өөрийн удирдлага дахь ажилчдаас шаардлагатай орцыг ав. Дээд удирдага болон ижил түвшний ажилчдын мэдээллийн хэрэгцээнд адил анхаарал хандуулах ёстой.

Зургаа. Бэрхшээл биш боломж дээр төвлөр. Мэдээж бэрхшээл буух хаяг буцах эзэнтэй байх ёстой. Гэхдээ бэрхшээлээс илүүтэйгээр боломж дээр сайн удирдагчид илүү төвлөрч ажилладаг. Бэрхшээлийг шийдэх нь үр дүн үзүүлдэггүй зөвхөн хохирлоос сэргийлдэг. Боломжийг сайтар ашигласанаар та илүү үр дүнд хүрнэ. ҮБУА-чид нь өөрчлөлтийг аюул гэхээс илүүтэйгээр боломж гэж хүлээж авдаг. Тэд байгууллагын гадаад болон дотоод орчин дахь өөрчлөлт /шинэ технологи, бүтээгдэхүүний шинэчлэлт, шинэ зах зээлийн бүтэц/-ийг системтэйгээр сайтар судлаж үзээд “Бид өрчлөлтийг боломж болгон хэрхэн байгууллагтаа эерэгээр ашиглаж чадах вэ?” гэж асуудаг. Боломжоос давсан бэрхшээл гэж байдаггүй. Гэвч удирдлагын хурал дээр боломжуудыг авч хэлэлцэж, дүн шинжилгээ хийх хүртэл бэрхшээлийн талаар авч хэлэлцдэггүй нь их хор уршигтай зүйл.

Долоо. Үр бүтээлтэй уулзалт, хурал удирдан явуул Уулзалт бүрийн зорилгыг товч, тодорхой хэл. /зарлал хүргэх, тайлан хэлэлцэж, хянах гэх мэт/ Зорилгоо биелүүлмэгц уулзалтаа дуусга. Төгсгөлд нь уулзалт, хурлын товч дүгнэлт, болон шинэ үүрэг, даалгавар түүнийг гүйцэтгэх ажилтан, хийж дуусгах хугацааг ойлгомжтой тайлбарлаж хэвш.

Найм. “Би” биш “Бид” гэж ярьж бод. Албан тушаал, эрх мэдэл нь тэднийг агуулж буй байгууллага, хамт олноос нь өгсөн итгэлээс урган бий болдог гэдгийг ҮБУА ухаарч ойлгосон байдаг. Тэд хамгийн сайн үр дүнд хүрэхийн тулд байгууллагын боломж, хэрэгцээг үргэлж өөрсдийнхөөсөө өмнө тавьдаг.
Түлхүүр үг: Шаардлагатай мэдлэгийг олж эзэмш..... дараа нь түүнийг үр бүтээлтэй ажил болгон хувирга.

Peter Drucker, A Harvard Business Review Article

Дэлгэрэнгүй үзэх...